إلى من يهمه الأمر أين حق ذوي الإعاقة والمكفوفين في التعليم:


منظومة التعليم الجديدة دي تجاهل تماما تعليم ذوي الإعاقة والمكفوفين في المطلق كدة كون إن الدولة حتمشي بمنظومة تعليم جديدة وتجاهل عن عمد ذوي الإعاقة والأخص المكفوفين فدي كارثة في حد ذاتها لأن المكفوفين خصوصا بيدرسوا نفس مناهج المبصرين في جميع المراحل التعليمية ومعنى دا إنه مفيش تكافؤ في الفرص دا أولا ثانيا مفيش كدة نظام تعليم يسمح بالدمج دا إذا كنا حسب ما بندعي يعني إننا عاوزين ندمج ذوي الإعاقة في التعليم من أصله ثالثا فكرة إنك مش معلن حتعمل إيه مع شريحة ذوي الإعاقة والمكفوفين خصوصا في التعليم حيعمل خلل ما في المنظومة التعليمية كلها وكونك كوزارة معندكش آليات لضمان تعليم متساوي ومتكافئ للجميع فدي الصراحة مصيبة ثانية ما هو مش حينفع كل حاجة نستثني منها ذوي الإعاقة زي ما عملت الوزارة في موضوع بوكوليتا الثانوية العامة استثنت مدارس النور للمكفوفين منها في الامتحانات ولسة بتمتحنهم في الثانوية العامة بالنظام القديم طيب حضرتك لما بتعمل نظام تعليم ما لازم يبقى نظام تعليمي مناسب للكل وفي نفس الوقت يبقى نظام تعليمي متيح للجميع على اختلافاتهم مستوى متساوي فكرة استثناء فئة دا ضد أي معايير تعليمية في كل العالم وكمان ضد الإتفاقية الدولية لحقوق الأشخاص ذوي الإعاقة اللي أنت كدولة مش موقع عليها بس لا دا حضرتك مصدق عليها شفت المفاجأة اللطيفة دي أيوة زي ما بقول لمعاليك حضرتك مصدق عليها فأنت كدة بتخل بأهم بنود الإتفاقية واستثنائك لشريحة ذوي الإعاقة عموما والمكفوفين خصوصا من نظام التعليم الجديد دا مش حل بالمرة ناهينا عن إن النظام التعليمي الجديد دا محتاج بعض الأدوات والآليات على شان لو حضرتك عندك نية لتطبيقه يبقى مناسب لفئة ذوي الإعاقة والمكفوفين على وجه الخصوص ودا بيترتب عليه إن حضرتك تجاوب على أسئلتي المتواضعة جدا دي
السؤال الأول حضرتك كوزارة تربية وتعليم على سبيل المثال حضرتك عاوز طريقة برايل اللي متعارف عليها إنها طريقة للقراءة والكتابة للمكفوفين ولا قررت تستغني عنها بالحلول التقنية؟
الإجابة مينفعش الاستغناء عن طريقة برايل جملة وتفصيل لأن العالم كله لسة معترف بيها فبالتالي حضرتك مش حتخالف الكون كله وتعمل حاجة بس لمكفوفينك اللي بالتالي حيبقى فيه مشكلة بعد كم سنة وهي إن المكفوفين محيعرفوش يتعاملوا مع أي محتوى برايل من حول العالم دا وحنبقى كمان بالطريقة دي زدنا تجهيل وإنغلاق المكفوفين عالميا أيوة عارف إن المكفوفين اللي بيتعلموا تعليم حكومي اللي فيه طريقة برايل قليلين جدا لكن بدل ما حضرتك تشجع التعليم للمكفوفين لا حضرتك كدة ببساطة عملت زيادة في التهميش والتجاهل يعني الأسانسير مثلا اللي مفاتيحه مكتوبة برايل بعد كم سنة الكفيف حيبقى مستغرب منها ويسأل إيه دي زي ما بيستغربها المبصر بالضبط دلوقتي ودا أبسط مثال
السؤال الثاني
حضرتك كوزارة تربية وتعليم إن مكنتش ناوي تستغني عن طريقة برايل ودا حل ممتاز هل حضرتك عندك علم بإنه فيه اختراع ما اسمه سطر برايل إلكتروني ودا جهاز منفصل بس تكلفته عالية وكمان على شان يبقى قادر على التعرف على المحتوى وإخراجه برايل لازم يبقى محتوى نصي خالص ودا حضرتك مراعتهوش لما عملت تجربتك اللطيفة بتاعة التاب في الثانوية العامة وكمان مش بس كدة التابات تم حفظها في دواليب مدارس النور ومتسلمتش للطلبة أيوة والله على شان المدرسين لقيوها محتنفعش المهم يعني والأسطر الإلكترونية دي بيتعمل لها مزامنة بالبلوتوث مع التاب هنا بقى حتقدر حضرتك كوزارة توفر الأسطر الإلكترونية برايل دي في حين أنك السنة دي مقدرتش تطبع المقررات الدراسية لمدارس النور للمكفوفين برايل أصلا فحتعمل إيه بقى لو قررت إنك تخلي طريقة برايل موجودة بس مع التاب والتاب على شان تبقى طريقة برايل موجودة محتاج له سطر إلكتروني برايل
السؤال الثالث
على شان حضرتك كوزارة تربية وتعليم تعمل النظام الجديد دا وفي نيتك إنه يبقى فيه مكفوفين عن نفسي مؤيد دا جدا لكن حضرتك محتاج كوادر من المكفوفين تدرب المدرسين والطلبة على حد سواء على استخدام التقنيات والتكنولوجيات المساعدة طيب دا محتاج شغل كتير خلال الشهرين الجايين دول بشكل حقيقي وفعال ولا بردو زي ما عملتم في البوكيليتا ولا اسمها إيه دي حتستثنوا المكفوفين الحقيقة مش عارف
طيب هل حضراتكم كوزارة عندكم خلفية عن التقنيات والتكنولوجيات المساعدة دي ولا لا بردو الحقيقة مش عارف
طيب حضراتكم عارفين إنها محتاجة تدريب قبل استخدامها ولا حتسيبوا الموضوع بالصدفة وكل أسرة بقى وتصرفها حقيقي مش عارف
طيب ذنب مدرس التربية الخاصة إيه اللي آخره إنه بياخد بعثة تعلمه طريقة برايل إنه يلاقي نفسه حيعلم الطلبة استخدام التاب وهو معندهوش خلفية أصلا عن التقنيات المساعدة مع احترامي لمعلمي التربية الخاصة اللي كلهم أساتذتي ولي الشرف إني تتلمذت على آياديهم والحقيقة مكانوش موفرين جهد فوق جهدهم بس كدة احنا بنحملهم فوق طاقتهم ولا الوزارة حتقول لهم اتصرفوا بمعرفتكم أنتم الحقيقة مش عارف
السؤال الأخير
هل فعلا حضراتكم كوزارة عندكم نية حقيقية في إنكم تخلوا التعليم متساوي للجميع ومتكافئ الفرص للجميع ولا حضراتكم مش عاوزين ذوي الإعاقة يتعلموا أصلا
الحقيقة من الواضح من تجاهلكم وتهميشكم لذوي الإعاقة في منظومة تعليمكم الجديد دي مش عاوزينا نتعلم من أساسه وإن كان فنتعلم بالأدوات البدائية وكأن التطوير لينا حرام وحلال لغيرنا دا مع افتراضي لحسن النية
وطالما فيه تجاهل كدة وعدم استشارتكم لمتخصصين في الموضوع دا فدا معناه نية مبيتة للحل الأسهل استثني وخلاص بلاش وجع دماغ
ونصيحة لوجه الله التربويين اللي بيشتغلوا في مجال التربية الخاصة وحتى كليات التربية أو كليات حاسبات ومعلومات وهندسة اتصالات معندهمش أدنى فكرة عن التقنيات المساعدة ولا التكنولوجيات الخاصة بذوي الإعاقة وخصوصا البصرية مع احترامي للجميع بردو ومش بقلل من حد بس فعلا الموضوع دا قليلين جدا اللي يعرفوا عنه في مصر أساسا
آخر حاجة حنهي بيها كلامي لأسر الأشخاص من ذوي الإعاقة حق أبنائكم في التعليم حق مشروع ودستوري وحقهم إنهم يتعلموا وفق أحدث الأساليب العلمية الموجودة في العالم علموا أبناءكم حتى وإن كان تعليم بيتي لكن متستسلموش لفكرة إن مينفعش التعليم دا لهم لا ينفع وينفع ونص
أما عن وزارة التربية والتعليم العشوائية وتعمد التجاهل والتهميش لذوي الإعاقة مينفعش حضراتكم مبتدوناش منحة ولا بتعطفوا علينا لا دا حقنا إننا نتعلم وبأحدث الطرق أسوة بالآخرين ولو حضراتكم مش مصدقين راجعوا الإتفاقية الدولية لحقوق الأشخاص ذوي الإعاقة اللي احنا كدولة موقعين ومصدقين عليها وكمان بنقول قدام العالم إننا مطبقينها لكن الحقيقة والواقع بيقولوا غير كدة يا إما تعلنوها صريحة مش عاوزين تعليم لشوية ذوي الإعاقة دول وإدفنونا أحياء أو إعزلونا بعيد عن المجتمع في مكان لا حد يعرفنا فيه ولا نعرف حد لحد ما نموت لأن الموت أسهل بكتير من الجهل اللي بتتعمدوه لنا
بالطبع آسف للإطالة وبالتأكيد عارف إن محدش من المسؤولين حيهتم كالعادة وداخل علينا رمضان فالموضوع حيتنسي فمسبقا دا إن كلامي وصل لمسؤول فأنا آسف لإزعاج معاليك يا فندم والله

تعليقات

إرسال تعليق

المشاركات الشائعة من هذه المدونة

عامان على وفاة ست الحبايب:

    عامان على وفاة ست الحبايب: إلى من كانت أمي وصديقتي وحبيبتي ونور عيوني. اليوم يمر عامان على رحيل أجمل كلمة نطق بها لساني ماذا أقول لكي سيدتي وكيف أرثيكي وكم من الكلمات والحروف توفيكي جزء ولو ضئيل من حقك علي. أمي التي لم ترها عيني ورآها قلبي رحلت عن عالمي بعد بلوغي سن 24 عاما وكنت أعتقد أن إحساس اليتم لا يأتي للكبار. أمي تلك السيدة العظيمة التي ربتني وتعبت وضحت وسهرت وعملت طوال عمرها على راحتي أمي كم أعشق تلك الكلمة المكونة من ثلاث حروف. كانت أمي تمثل لي أملي في الحياة كانت هي القوة الدافعة لي كانت طاقة جبارة تريد أن تراني في أحسن وأفضل حال. رحلت عني للأبد من كانت تقف بجانبي رحلت عني اليد الحنون التي كانت تمسح كل آلامي ودموعي رحلت عني من كانت إبتسامتها وصوتها الدافي كفيلا بإزاحة أي هموم أو متاعب للحياة. أمي صوتها الدافي في دعوتها لي كل صباح (مع ألف سلامة ربنا يفتحها في وشك وينور بصيرتك) أمي التي تحدت معي كل الصعاب. كم أصبحت الحياة من بعدك يا أمي قاسية وعنيدة ومليئة بالمتاعب التي كنتي تحاولين أن تجدي معي لها حل وتحاولي أن تخففي عني إلى من أحكي بالساعات إلى من أ
قراءة المزيد

تحية لمن تكافحن في صمت:

اليوم العالمي للمرأة من المؤكد أن هناك من تكافحن في صمت بدون أن يذكرهم أحد إنهن النساء من ذوات الإعاقة نساء لا يعلم عنهن أحد أي شيء ولا يذكرهن أحد في أي شيء فكونهن نساء فلديهن تحديات وكونهن ذوات إعاقة فتحدياتهن أكبر وأعظم وأعباء إعاقتهن أكثر جسامة وأصعب فهن لم يخترن أن أن تكون لديهن إعاقة وبالعكس فهن صامدات مكافحات في صمت بدون أن يعلم عنهن أحد. تحديات الإعاقة في حد ذاتها تفرض العديد والعديد من القيود عليهن بداية من نظرة المجتمع الصغير حتى الشارع وذاك المجتمع الكبير فمنهن من يراهن المجتمع بأنهن غير ذات قيمة ومنهن من يراهن المجتمع بأنهن مباحات فكثير من حوادث الإغتصاب لهن تحدث وبشكل ملحوظ بدعوى أنهن لا تدرين شيء على الإطلاق أو لأنهن في كافة الأحوال لم يصدقنهن أحد فكم من جرائم اعتدائات جنسية حدثت وتحدث وينشر عنها لفتيات ذات إعاقة على مختلف الإعاقات وليس هنالك ما يضمن لهن حقوقهن حتى تلك القوانين لا زالت ضعيفة في إتيان الحق لتلك الفتيات. نظرة مجتمعية قاتمة الفتاة من ذوي الإعاقة تجد نفسها أمام نظرة مجتمعية سلبية فليس لها الحق أن تكون كغيرها وليس لها الحق في أن تعيش حياة طبيعية
قراءة المزيد

معلومات خاطئة عن طريقة برايل:

بمناسبة اليوم العالمي لطريقة برايل وبعد قراءتي لمقالة منذ قليل سأحاول أوضح بعض النقاط الهامة والتي لا يعلم عنها الكثيرين أي شيء في الحقيقة وبعض الإيضاحات الهامة حول أخطاء شائعة عند التحدث عن طريقة برايل بشكل عام أولا بالقطع اليوم العالمي لطريقة برايل في الأصل للتأكيد على أهمية ودور طريقة برايل في تعلم ملايين المكفوفين حول العالم وأنها هي الطريقة التي يقرأ ويكتب بها المكفوفين حول العالم ووفقا لآخر الإحصائات فيقدر عدد ذوي الإعاقات البصرية حول العالم بنحو 285 مليون شخص منهم 89 مليون شخص مكفوفين كليا مما يعني أن طريقة برايل تمثل شيء هام وضروري لعدد هائل من الأشخاص حول العالم وبعيدا عن التطرق لنشأتها كان واجب توضيح بعض الأمور ثانيا طريقة برايل هي مجرد طريقة للكتابة لا أكثر ولا أقل وليست كما يقول البعض بأنها لغة لأن في واقع الأمر طريقة برايل ليست لغة مستقلة بذاتها فهي طريقة لتحويل الكتابة العادية إلى أحرف بارزة فقط لا غير وينسحب على طريقة برايل كل القواعد اللغوية والإملائية وغيرها من القواعد المنسحبة على اللغات كلها بلا استثناء اللهم إلا شيء واحد فقط وهو في المؤتمر الأول في ثلاثي
قراءة المزيد